أسئلة شائعة عن روسيا
اسئله شائعه لأولياء الامور عن روسيا
1. الموضوع يتعلق بمستقبل الأولاد وده مش معناه إنهم لو بعدوا عنك إنهم في خطر محدق ولازم نلحقهم قبل ما ينحرفوا 2. الخوف علي الأولاد فطري في كل أم وليس معناه إنهم لو بعدوا عنك إن هتبتدعي سبب أو إثنين أو حتي يبقي الموضوع مربوط بالدين . إنك هتلاقي أي سبب علشان تقنعي نفسك ومن حولك بأنه صحيح علشان ميبعدوش عنك . لازم يكون عندك يقين إنهم خلاص كبروا وفي مرحلة تحديد المصير فلازم تكوني علي يقين إن الوقت ده هو أهم وقت تدعميهم مش تقفلي الباب عليهم بحجت إنهم طايشين وممكن ميفكروش صح . الموضوع بإختصار زي العنوان ( ليه تحرمي أولادك من كليات القمة لما ممكن يدرسوا برا مصر بدون شرط المجموع ) أكيد مش كل الدول هتوافق علي موضوع شرط المجموع وأنا هوضح نموذج هنا في الموضوع وهقول مميزاته وعيوبه علشان الكل يستفيد ويقرر صح . ليه دولة روسيا علشان سبب جوهري غير نظام المجموع وياريت تركزوا عليه في آخر الموضوع . قبل ما أبدأ الشرح . لازم أخليه علي شكل سؤال وجواب علشان الكل يبقي الموضوع واضح ليه
الأسرة بتسأله : إحنا ولادنا خايفين عليهم من الإنحراف ...
الإجابة: لو كانوا هينحرفوا كانوا إنحرفوا من في أي مكان والمنحرفين كثير فبلاش الحساسية الزايدة بتاعت الأمهات وفكري في مصلحته مش رغباتك.
إبني مختلف مش هيعرف يعتمد علي نفسة ...
الإجابة: كله بيقول كده وبيفاجأ بإن إبنه خلاص كبر وطلع من البيضة وكل الناس هتساعده لو إحتاج حاجة في أي مكان هوا فيه والمشكلة إنكم كأسرة معلمتهوش يعتمد علي نفسه وهوا في خلال يوم أو إثنين هيكون أستاذ في الإعتماد علي النفس.
أنا خايفه علي إبني لحسن يمشي في الحرام وانا مش مراقباه .
الإجابة: وهل إنتي مراقباه كل حياته , أو إنتي متأكده إنك تقدري تبعدي عنه الشر بحاجة غير التربية ؟
ممكن إبني تلف عليه واحده من إياهم وتخليه يمشي في الطريق الغلط .
الإجابة: مش صحيح الكلام بتاع الأفلام والمسلسلات ومش صحيح في الواقع والحقيقة كل واحد ماشي في حالة وعارف مصلحته ومش ماشيين بيدوروا علي رجالة في الشارع ولا فاتحين إيديهم علي باب الطيارة مستنيين إبنك ...
المجموع شرط علشان إبني يدرس برا تخصص عالي زي الهندسة أو الطب البشري أو الأسنان ؟
الإجابة: علي حسب الدولة وشروط مؤسساتها التعليمية
هل ده معناه إن إبني مش هيدرس في مكان محترم لو مجبش مجموع كويس .
الإجابة: : أبدا . وإبنك هيدرس في أحسن مكان وكمان بتكاليف علي قد الإيد .
يعني الشهادة بتاعته هتكون معتمدة ؟
الإجابة: لو فرضنا مثلا إنه درس في دولة روسيا الإتحادية ( مش شيوعية فبلاش فلسفه ) فشهادته معتمده دوليا وفيه بعض التخصصات بتطلب معادله في الدوله التابع ليها الطالب وبتكون المعادله 6 شهور فقط غير انها معتمده في الاتحاد الاوربي والامريكتين لان الشهاده الروسيه من اقوي الشهادات التعليميه في العالم .
هل ده معناه هيدرس في جامعة خاصة ؟
الإجابة: مفيش جامعات خاصة في روسيا , كله حكومة , لكن في القانون بيسمح للأجنبي إنه يدرس علي حسابة , وشهادة بتطلع زيها زي أي طالب هناك .
تكلفة الدراسه في السنه كام ؟
الإجابة: متكلفة الدراسه في السنه الاولى ( التمهيدي ) حوالى 3000 دولار غير شامل تذكرة الطيران لتغير سعرها من وقت لاخر .
هل معني 3000 دولار إن دي مصاريف الجامعة . ؟
الإجابة: ايوه يا فندم شامله كل حاجة (ما عدا تذاكر الطيران ) شامل الدعوه للدراسه والتاشيره المؤقته وترجمة الاوراق الخاصه بالدعوه والتاشيره الدائمه بعد وصوله و المواصلات الداخلية والقطار للمدينة اللي هيدرس فيها والقسط الجامعي والسكن والتامين الصحى والإنترنت علي موبايلة أو اللابتوب ( السرعة 42 ميجا غير محدودة ) وكل اللي هيحتاجة لغاية ما يستلم دراسته هناك .
يعني مش هدفع خلال سنة أكثر من 3000 دولار ؟ ؟
الإجابة: أكيد مش هتدفع غير المصاريف الشخصيه هناك ودي بتختلف من شخص للتانى وبتكون في حدود من ( 150 الى 300 دولار شهريا ) .
طيب وأنا بعد مدفع كل المصاريف اللي في الأول , كل شهر هبعتله كام ؟
الإجابة: 200 دولار مبلغ ممتاز جدا مع العلم إنه بالمبلغ ده يقدر ياكل سمك أو فراخ أو لحمة كل يوم وبدون أيام قرديحي كمان . وفي ناس بتعيش بأقل وفي ناس بتعيش بأكثر لكن أنا يهمني مستوي المعيشة اللي هوا متعود عليها .
طيب وبقيت السنين الدراسية .
الإجابة: بتزيد علي حسب الكلية والحد الأقصي اللي هوا كلية الطب بيزيد من 8000 الي 9000 جنيه وعلي حسب المكان .
يعني الزيادة دي كل سنة ولا أول سنة وبتبقي مستمرة ؟
الإجابة: غالبا كل 10 سنين بتتغير الزيادة . لإنه نظام حكومي مش نظام طفيلي خاص .
طيب هل ممكن يكون هناك مصاريف إضافية أو الخ : لإن نظام المعيشة بيرتفع عالميا .
الإجابة: مع إرتفاع نظام المعيشة ممكن تتقارن الحياة في روسيا بالحياة في مصر يعني اللي يكفي في مصر هيكفي في روسيا ويفيض لإنه مش هيدفع كهرباء ولا غاز ولا بنزين . الخ الخ .
إشمعني مصر ؟
الإجابة: لإن مصر دولة زراعية وكذلك روسي وبالتالي المعيشة متقاربة جدا ( بعيدا عن المدن السياحية والعاصمة )
هل شهادة إبني معترف بيها ؟
الإجابة: الشهادات الروسية معترف بيها عالميا وأقل جامعة في روسيا أعلي في المستوي التعليمي من أحسن جامعة في مصر اللي للأسف آخده الترتيب ال227 علي العالم ( للأسف أحسن جامعة في مصر جامعة القاهرة )
: وهل في حاجة مطلوبة للإعتماد ؟
الإجابة: المطلوب حاجتين : الأولي الدراسة باللغة الروسية , ثانيا : ينجح وياخد شهادته , مع العلم مصر عملت إتفاقية تبادل ثقافي مع روسيا في سنة 2010 ونتيجته إن روسيا بتقبل الشهادات المصرية بدون مشاكل .
هل هيا معترف بيها في مصر بس ؟
الإجابة: لأ . من قوة الشهادة الروسية : إنها معترف بيها في كل الدول الأوروبية بدون معادلة وفي العالم ككل في 36 دولة عالميا بتعترف بالشهادة بدون معادلة ومن ضمنها الدول العربية .
هل مستوي الكليات عالي في روسيا ولا بنظام الفلوس والرشاوي والكلام ده ؟
الإجابة: اللي عايز يدرس بيدرس واللي جاي لعب هيترحل علي أول طيارة والموضوع مفهوش هزار .
هل مستوي الكليات عالي علميا في روسيا .
الإجابة: كمثال : في جامعة بلغورود التكنلوجية الحكومية : كلية الهندسة المدنية فيها : مصنفة الأولي علي مستوي العالم ويوازيها فقط كلية الهندسة المدنية في جامعة شيكاغو . كمثال آخر : أعرق جامعات العالم هي الجامعات الروسية ومنها جامعة موسكو الحكومية . كمثال في مجال الطب : بدون الحصر : التشخيص والعلاج الدوائي في روسيا لا يماثلة شيء في العالم وللعلم فإن روسيا قبل عدة سنوات إبتدعت نظاما جديدا من الأدوية في مختلف التخصصات وهو غير مصرح به خارج روسيا ولو تكلمت عنه لأفردت لكل علاج علي الأقل موضوع أو إثنين . وللعلم الأدوية الجديدة في روسيا غير معتمدة علي الأعشاب وليست مستخلصات عشبية ولا تتواجد في أي مكان آخر في العالم ولذا كان أكثر الناس سفرا للعلاج في الخارج من كل الدول يتوجهون لروسيا وليس أمريكا أو ألمانيا كمثال .
يعني شهادة إبني ممكن يشتغل بيها في الخليج لإني عندي إقامة وكده .
الإجابة: من وقت ما بياخد شهادة إعتبري مكانة محجوز مع إختلاف بسيط في المرتبات : الدكتور المصري مثلا متوسط مرتبه 5000 ريال والدكتور اللي آخد شهادة أجنبية متوسط مرتبة 40000 ريال
حاجة مهمة وهيا الخمره أنا سمعت إنهم بيدخلوها في الأكل والشرب .
الإجابة: غلط واللي بيقول كده مبيعرفش حاجة .
أنا شيفاهم في قناة فتافيت
الإجابة: طبعا لما بيجيبوا حاجة في التلفزيون مش معناها إن ده الواقع بل العكس صحيح وهوا إن الناس هناك أكلهم وشربهم قريب بنسبة كبيرة جدا من الأكل والشرب في مصر وذلك لتشابه الحضارات والإحتفاظ بالأعراف والثقافة .
هما أكلهم أصلا حلال ؟
الإجابة: لو إنتي من النوع اللي بيقول أكل النصاري حرام فأبشرك إن في محلات مسلمين كثير بتبيع أكل كله حلال للمسلمين ولو إنتي من النوع اللي بيتبع فقه الشافعي وجمهور أهل العلم بأن طعام النصاري حلال لوروده نصا في كتاب الله بآية محكمة فأبشرك إن في روسيا بيدبحوا لإنهم نصاري متدينين أرثوذوكس مش منحلين ولا علي حل شعرهم .
نصاري زي اللي عندنا ؟
الإجابة: طبعا لا وهناك في نظام وحاجة محترمة جدا بعيدا عن العدائية والعنصرية
يعني محدش هيبص لأولادي كده ولا كده بإنهم مصريين أو أجانب .
الإجابة: الأجانب والمصريين خصوصا وبقولها بكل فخر .أولادك هيشكروا ليكي إنك بعتيهم هناك لإنهم هيحسوا بالعزة وإن في شعب بيحبهم بجد وسعيد إنه شاف واحد مصري أو وحدة مصرية ومش بعيد يتصوروا معاهم وينزلوا الصور ( علي الفي كونتاك - أخو الفيسبوك بس في روسيا )
يعني ممكن أطمئن عليهم ولا في مشاكل أمنية
الإجابة: إنتي ممكن تخافي علي أولادك أو بناتك في الأوضة اللي جمبك لكن في روسيا تخلي في بطنك بطيخة صيفي لإنهم شعب محترم وبيقدس حاجة إسمها العمل فلما بيلاقي إنسان مجتهد بيساعده علي قد ما يقدر وكل واحد وشطارته
ييعني ممكن يلاقي فرصة عمل هناك بعد ما يخلص .
الإجابة: إأكيد ممكن لو هوا عايز إنما إهتمامهم بحاجة واحدة وهيا إنه يتعلم وبعدها عايز يرجع هوا حر ولو عايز يكمل مشواره هوا حر .
ييعني إبني لو راح درس هناك مش هيكون عنده مشاكل من ناحية الأكل والشرب والسكن وكمان هيدرس غصب عنه .
الإجابة: أكيد
طيب كده لو دخل طب يقعد سنة تمهيدي و7 دراسة يبقي هيكون أقل من زمايلة بسنة .
الإجابة: الطب في روسيا 6 سنين بس وسنة تحضيري يعني 7 سنين وهيتخرج زيه زي أي واحد في سنة . لكن الميزة اللي في روسيا إنه بعد ميخلص من حقه يقدم علي الدكتوراه بدون الماجستير وبدون ممارسة المهنة يعني تخيلي لو إبنه عنده 17 سنة ولسا مخلص ثانوية وسافر يدرس وكل سنة بيجيلك يقضي الأجازة معاكي وبعد 10 سنين بقي دكتور إستشاري . حد يقدر يقلي كام دكتور عنده 27 سنة إستشاري شافه في حياته ؟؟؟؟؟؟؟
إزاي اقدم .
الإجابة: بكل بساطة حضراتكم تشرفونا في شركة وورلد تريننج واحنا بنجيب الإعتماد الدراسي نظير رسوم . زي ما شرحنا فوق
لو في واحدة شايفه إن أولادها يستاهلوا إنهم يتعلموا تعليم محترم ومتخفيش عليهم فالأفضل تسفريهم يتعلموا في مكان محترم وعلي الأقل مش هيصنفهم كإرهابيين ولا غيرة زي ما أمريكا بتعمل في العرب .
الإجابة: بنقطة أخيرة وهيا الحالات الخاصة زي الأدبي والكليات المتاحة والثانوي الصناعي وغيرة . ممكن تتواصلوا معانا بشكل مباشر مع واحنا هنوضح الخيارات المتاحة وكمان في إمكانية لإكمال الدراسة يعني لو درس الطالب سنتين أو ثلاثة وعاوز يكمل برا ممكن بدون مشاكل وهيعتمدوا المواد بتاعته
هل روسيا بلد الدعارة ؟
الإجابة: بأكيد لأ ومن يقول الكلام عليه يأتي بدليل واحد علي ذلك وللعلم الشعب هناك متدين ويمقت فكرة الدعارة . وكمان المشهور عنهم إن بناتهم في كل البلاد العربية وضعهم مش اللي هوا . فده ميعبش روسيا وينطبق المثل علي البلاد العربية ( رمتني بداءها وإنسلت ) وكله عارف إن كل الدول فيها بلاوي لكن الفرق هوا في ثقافة المجتمع ككل وهل بيقبل الفكرة ولا لأ.
الجامعات الخاصة مليانة في مصر ؟ ليه أبعت ولادي برا والمفروض يكونوا تحت عنيا ؟
الإجابة: معلش حضرتك الجامعات الخاصة اللي في مصر عبارة عن سلخانة لأهالي الطلبة وبيصرفوا آلاف علي أولادهم وفي الآخر مستواهم التعليمي وشهادتهم ميقدروش يواكبوا السوق ولو واحد إتقدم لشغلانة كمثال مع واحد من جامعة القاهرة مثلا هيقلولة مع ألف سلامة إنتا معهد خاص بفلوسك . ففكرة إنه يتعلم برا هيا إنه يتعلم بس تعليم حكومي مش خاص وكونهم بيخدوا مصاريف فده طبيعي لإن إبنك طالب أجنبي مش من جنسية أهل البلد .
مفيش حاجة إسمها كليات قمة وكليات قاع . وده مفهوم غلط .
الإجابة: كلام مظبوط وذكري لكلمة كليات القمة ليس معناه كليات بعينها وأنا مذكرتش كليات بعينها في الموضوع ولكن أنا ذكرت كلية الطب كمثال لصعوبة دخولها والفترة الدراسية الكبيرة وكمان الشروط الصعبة بعد التخرج .
لو بعت إبني مثلا روسيا . المجموع المطلوب كام يعني ؟
الإجابة: كالمجموع مش شرط قبول وبإمكان إبنك دخول الكلية اللي هوا عايزها
هو إبني يتعلم لغة وكمان مذاكرة لكليته ؟
الإجابة: كاللغة الروسية سهلة جدا وفي خلال 3 شهور بحد أقصي هيكون إبنك بيتكلم الروسي بدون مشاكل . ومتخفيش اللي بيعمل المناهج هناك بيراعي الطالب الأجنبي وعارف كل مشاكلة فمتخفيش من حاجة
بعض الأخوات ذكروا إنهم مش مقتنعين بالكلام ده طالما إنهم هيدفعوا فلوس .
الإجابة: الإقتناع حرية شخصية . والكلام مش موجه لمن لا يرغب في الإقتناع لكن يبقي إسمك عرفتي الدنيا ماشية إزاي . موضوع دفع الفلوس مش معناها إنه هيخش خاص لكنه هيتعلم في جامعات حكومية ولكن علي حسابة وده في كل الجامعات في العالم حتي جامعات مصر الحكومية . الطالب الأجنبي محروم من التعليم المجاني ولازم يدفع نظير تعليمه إلا أن تكون منحة .
تأثير البيئة وإرتفاع الرقابة والضمير نايم ممكن تؤدي الي الإنحراف وموضوع الفلوس في إيده ده ممكن يخليه ينحرف بقلب جامد
الإجابة: . البيئة هناك منغلقة مفيش فيها بياعين مخدرات عند النواصي . مفيش فيها بنات زي الأفلام بتسبل للولاد . وموضوع الفلوس في ايده . انا مخترتش الرقم ده إلا عن دراسة للوضع هناك و200 دولار فعلا رقم مش هيخلي في إيده قرش علي آخر الشهر . يدوبك علي قده.
هل فرص الإنحراف عالية في مصر ؟؟؟؟
الإجابة: نعم والسبب أصحاب السوء وسهولة الحصول علي المخدرات والبلاوي السودة
تكاليف الدراسة في الجامعات الحكومية المصرية في المتوسط 20 ألف جنيه سنويا إزاي ؟
الإجابة: نبكل بساطة إنتي لما بتحسبي المصاريف بتنسي سكنك وأكلك في البيت ورعاية والديك وأسرتك ليكي . تخيلي إنتي لوحدة فالرقم ده هوا المتوسط
هل يتقارن التعليم في روسيا بالتعليم في مصر ؟
الإجابة: التعليم في مصر هو أحد أسوء أنواع التعليم علي الإطلاق فمينفعش تقارنيه إلا بالدول المتخلفة . إنما التعليم في روسيا يقارن بالتعليم عالميا ويكفيكي علما بجودة التعليم في روسيا أن الميزانية الخاصة بالتعليم والبحث العلمي ( اللي في مصر معندناش منه ) توازي تقريبا ميزانية مصر .
الكلام ده ضحك علي الدقون وروسيا عايزة تلم فلوس وبس وإحنا نفرح بشهادة نبروزها علي الحيط
الإجابة: حد قلك إن روسيا دي معهد ولا دولة زي مصر ؟ وبعدين مش معني إنك متقدريش تبعتي أولادك إن روسيا ضحك علي الدقون وبعدين فين بينتك . جبتي الكلام ده من فين ؟ ولا هوا كلام وخلاص
في دول مسلمة كثير زي ماليزيا ممكن الواحد يدرس فيها . إشمعني روسيا ؟
الإجابة: لتنوع الإختيارات وقوة الشهادة العلمية . والتكنولوجيا اللي بيتعلمها الطالب خلال دراسته وتجاربة . وكمان اللي نفسه يقعد في مكان إسلامي 100% ممكن يروح تتار ستان ودي جمهورية إسلامية وهيا جزء من روسيا وعاصمتها كازان ونفس التعليم وهياخد نفس الشهادة بدون مشاكل .( روسيا فدرالية زي أمريكا كده ) .
هل دور الجامعة في روسيا نشر التوعية والأخلاق الفضيلة وعلشان كده هيكون في رقابة علي إبني ؟
الإجابة: معلش حضرتك فهمتي غلط . لكن في روسيا أهم حاجة عندهم العمل مفيش لعب ولا كلام فارغ فلما أذكر إن دور الجامعة في بلادنا غايب فده حقيقي لإن الجامعة هنا بتتعمد إزلال الطالب وتدميره وكمان مفيش أي دور ليها في حياته غير حضور وغياب وواجبات وشيتات بتتقدم وبس . لكن كمراقبة المستوي التعليمي والبحث عما ينفعه . مفيش .صفر .
تالطب والهندسة معدش ليهم مكان بطلوا التفكير ده .
الإجابة: ممفيش حد قال ملهمش مكان حتي لو الفرص بقت أقل لكن مش عيب إن الواحد يحقق حلمة حتي لو كان متكرر ونفس الكلام للكليات التانية بدون تمييز
لكن مثلا : لو إبنك نفسة يدرس الهندسة النووية . تقدري تقولي لي ممكن يدرس كده فين ؟ لو إبنك عايز يدرس هندسة القطارات . ممكن حضرتك تقوليلي هيدرس فين ؟ لو إبنك نفسه يدرس تخصص مش موجود أو تخصص محدود بعدد زي هندسة بترول أو محدود بمجموع . ممكن تقوليلي هيدرسة إزاي . ولا خش يا إبني كمبيوتر هو اللي ليه المستقبل . مع العلم مفيش حاجة إسمه تخصص كمبيوتر . الكمبيوتر ساينس هناك شعبه داخل كلية الهندسة .
